E niente, visto che si parlava in questi giorni di poesia e di Torinesi che dicono minchia volevo trascrivere qui qualcuna di quelle poesie di Domenico Tempio per le quali è stato sostanzialmente rimosso dalla critica in quanto “poeta pornografico”, ma...
-
A Torino il "minchia" è arrivato negli anni '60, insieme alle cime di rapa, ai broccoli e altre cose che nessuno sapeva cosa fossero.
-
Per chi non lo sapesse, Domenico Tempio è stato uno dei piú se non il piú importante poeta siciliano a cavallo tra il 18mo e 19mo secolo
e potrebbe persino essere considerato un precursore del verismo (qui qualcuno non sarà d'accordo), ma siccome tra le sue opere ci sono anche poesie “vastase” in cui parla apertamente di sesso (che per ovvî motivi sono state tra le piú circolate, anche per vie non ufficiali, all'epoca), è stato bollato e cancellato dalla critica.
-
Comunque per mia (e vostra, ma soprattutto mia) fortuna, ho trovato qualcosa in digitale, e per farvi capire perché Miciu Tempiu potrebbe aver avuto qualche problema con la critica letteraria, vi rendo partecipi di quel capolavoro che è la sua interpretazione della
CREAZIONE DEL MONDO
(segue, lunga)
-
Quannu l’eternu Patri isau lu vrazzu,
doppu ca fici in un fiat lu munnu,
l’omu criau c’un culu e c’un cazzu,
e la cumpagna so c’un culu e un cunnu.
Ma a chista in culu misi un catinazzu
e chiaru poi ci scrissi ntunnu ntunnu:
Distinu a li parrini stu muccuni.
Sta attentu, Adamu, non fari lu minchiuni. -
Dai misu in gravità, ci dissi all’omu,
curvatu, additta, si puru ti piaci
addinocchiati a quattru peri comu
appuntu fannu li bruti, lu to jaci
ficcari ci putrai tu tonnu tonnu
e futtiriti un’anca a taci maci.
Sta’ attentu, sai, ti pruibisciu sulu
di buzzarari ficcanniccilla ’nculu. -
Adamu comu un loccu s’arristau,
a sti paroli, tuttu spavintatu.
Ad Eva poi lu cunnu ci guardau
e vitti ch’era fattu spirlungatu.
Lu culu a lu cuntrariu ci tuccau
e vitti quantu beni era attunnatu.
Lu cazzu osserva tunnu, ed esclamannu,
dissi: Sta bestia chi mi va scacciannu. -
Si avissi fattu la minchia a lasagna,
lu patri Eternu, forsi m’astinia;
ma si ci trasi... a vogghia ca s’incagna,
chista è n’asinità, chista è pazzia;
tunnu cu tunnu bellu s’accumpagna
e c’incasedda cu gran simitria.
Chi ci traseva stu sticchiu spaccatu!
Setti jorna pinsau e l’ha sgarratu! -
Eva, allura, ca donna era cumpita,
si pirsuasi di chista ragiuni;
misi lu culu a ponti a vocanzita
’ntra li natichi avennu lu minchiuni.
Di lu culu sbirginò la prima zita
lu patri Adamu misu a dinucchiuni.
Eccu, viditi, prima a buzzarari
Adamu s’insignau e poi a chiavari. -
Mentri eranu ’ntra l’attu di lu briu
e mentri già lu quagghiu ci calava,
un Angilu, a cui parsi un gran schifiu
trasiri un cazzu unn’ Eva cacava,
si mangiò la cucuzza e dissi a Diu
ch’Adamu ad Eva ’nculu la ficcava.
Oh cazzu! dissi allura siddiatu
lu patri Eternu: Olè, sia castigatu! -
Subitu l’Arcangilu in fretta
curri c’un spitu ’nfucatu a li manu.
Fermati... ci gridau aspetta aspetta,
stimpagna prestu sta minchia di l’anu.
Comu non t’abbastava la pruvvista
vulisti trasiri ancora, o prufanu,
’ntra ddu vuccuni ca Diu ha distinatu
a li ministri di lu celibatu? -
Eva, ca stava misa ad abbuccuni,
a sti paroli addivintau nna locca.
Scippasi cu li manu lu minchiuni
e lu vircocu vagnatu si tocca.
Adamu, ch’era misu addinucchiuni,
dissi, muncennu l’attisata nnocca:
Si stu purtusu non vulia tuccatu,
di mia chi voli? L’avissi muratu. -
Michelangilu allura rifiriu
d’Adamu ed Eva tuttu l’opiratu.
Ddocu lu Patri Eternu mbistialiu,
sintennu ch’era l’attu consumatu:
Vinnitta iu nni vogghiu comu Diu.
Ogn’omu nascirà cu stu piccatu,
si secuta Adamu a ghiri ’nculu
sperdi lu munnu e sperdi in iddu sulu. -
Ed eccu, misu supra un nuvuluni:
Adamu, Adamu allura lu chiamau
cu lu tremennu so forti vuciuni.
Adamu pri lu scantu assintumau
e ad Eva ci si mossi lu matruni
e lu virticchiu allura ci pigghiau
in vidiri di Diu l’alta putenza
ca fulminannu dissi sta sintenza: -
Di morti murirà lu snaturatu
omu ed espulsu di lu paradisu
mancirà pani a stentu travagghiatu,
stu buzzaruni e faccia di ’mpisu.
E la garrusa donna in ogni statu
sarà suggetta all’omu, ed à dicisu
di figghiari cu stentu e cu duluri,
sta buttana di culu senza onuri. -
Sutta un zuccuni, chi cc’era mpinnata
d’erva e di frunni, si cunsaru un jazzu.
Adamu, chi non avia dimenticata
la dura liggi di lu catinazzu,
pigghia ad Eva e la metti stinnicchiata,
poi ntra lu sticchiu ci appunta lu cazzu
e tira cu na botta dritta e tunna
e lu sticchiu spaccatu ci l’attunna. -
Lu patri Eternu vitti sta chiavata
tuttu cuntentu comu un gran sumeri
e facennucci intantu nna risata
drittu ci lu tinia lu cannileri.
E fattu s’avirria una minata
s’avissi avutu manu, cazzu e peri.
Ma si lu patri Eternu avissi un cazzu
lu munnu non saria ntra stu mbarazzu. -
(Oggi ho scoperto che Mastodon tra le lingue non supporta il siciliano.)
